عظة قداس الأحد
عظة الأب رامي ونّوس - الأحد قبل الصليب - ١٣ أيلول ٢٠٢٦
2026-09-16

بسم الآب والابن والروح القدس الإله الواحد، آمين.
يلي ملتزم بصلوات وخدم الكنيسة بينتبه إنه نحنا لما بيصير في عنا عيد معين، عيد مهم للمسيح، بيكون في عنا الأحد يلي قبل هيدا العيد، وفي عنا العيد، وفي عنا الأحد يلي بعد العيد. يعني متل أحد قبل الميلاد، الميلاد، الأحد بعد الميلاد. الأحد يلي قبل التجلي، عيد التجلي، الأحد يلي بعد التجلي. نفس الشيء فيما يختص بالظهور الإلهي أو الغطاس.
ولكن المفارقة إنه إذا واحد هيك بيركز شوي، بينتبه إنه نفس الشيء بيتم فيما يختص بالصليب. نحنا في عنا اليوم الأحد الذي قبل عيد رفع الصليب، في عنا العيد، والأحد الجاي هو الأحد الذي بعد رفع الصليب. هيدا الشيء بيأكد يا أحبة قديش ارتباط الصليب بالمصلوب، ما فينا نحنا نفصل على الإطلاق الصليب عن المصلوب. وكأنه الكنيسة اليوم عم بتقولنا إنه هيدا العيد هو من ثلاثة أجزاء. أو للي بيحب القراية، متل أنت عندك مجموعة من تلت كتب؛ بأول جزء بيحكيك شي، بتاني جزء بيحكيك شي، بتالت جزء بيختم القصة. فشو يلي بدها تخبرنا ياه الكنيسة نحنا اليوم بالأحد الذي قبل رفع الصليب، وشو المسج يلي بدها توصلها من هالتلت محطات يلي وضعتهم الكنيسة اليوم؟
اليوم إذا نحنا انتبهنا عم بتخبرنا إنه كما رفع موسى الحية في البرية هكذا ينبغي أن يرفع ابن البشر، يعني عم بتخبرنا إنه المسيح شو بدو يصير فيه؟ سيصلب، سيرفع. بكرا بالعيد منقرا عن حادثة الصلب. الأحد الجاي رح منقرا من أراد أن يتبعني فليكفر بنفسه ويحمل صليبه ويتبعني. يعني الكنيسة خبرتك، أنت شفت، أنت بعدين بدك تقرر. هيدا هو الخط العام يلي موجود بهالتلت محطات يلي وضعتهم الكنيسة اليوم.
والصليب بالنسبة لنا، متل ما ذكرت، هو ملتصق التصاقاً وثيقاً بالمصلوب. لهيك نحنا على طول بخاتمة كل صلاة نذكر "وبقدرة الصليب الكريم المحيي". بختم كل صلاة، انتبهولها اليوم بختمة القداس إذا حدا بعد مش منتبه.
وإذا بدنا نحكي شوي فن كنسي مرتبط باللاهوت، لأنه الفن الكنسي هو أصلاً تعبير عن اللاهوت. بالواقع، كل كنيسة هندسياً، كل كنيسة لما بتحط الصليب، يجب أن يكون هذا الصليب (يلي هلق فوقنا هون) هو متل الشجرة يلي الشخص بيستظل تحتها لحتى شو يحس؟ إذا كان في شوب وواحد قعد تحت شجرة، شو بحس؟ ببرود، بيبرد قلبه، بيرتاح. بالفن الكنسي، هذه الشجرة (مشان هيك منسميها أيضاً شجرة الصليب) هي التي تظلل المائدة، يعني لما بتضرب الشمس بيجي الظل على المائدة، ومن المائدة نحنا شو منحث؟ بالراحة، بيبرد قلبنا. هيدا موجود بالعلم الكنسي بالفن الكنسي يا أحبة.
وهيدا الشيء مقصود لحتى تقلنا الكنيسة إنه نحن نفرح ونرتاح بالصليب. فإذن بطل الصليب، شوفوا كيف انقلب الصليب من أداة للقتل للإعدام إلى أداة للخلاص. بشجرة الصليب نستظل ونفرح نحن ونرتاح. تالياً نحن ننظر إلى الصليب ونعشق الصليب لأننا لا نفصله على الإطلاق عن المصلوب.
وإذا نحنا بدنا نتساعد شوي من قبل الكنيسة لحتى نعرف كيف بدنا نفكر، بيجينا بولس الرسول اليوم، بتقلك الكنيسة اسمع بولس الرسول شو بيقول اليوم. هلق إذا أنا بسأل حيا الله واحد منكن، أو يمكن إذا واحد منكن سألني، يمكن نجاوب كلياتنا جواب مشابه: أنت بشو بتفتخر؟ إنتي بشو بتفتخري؟ يمكن واحد يقول أنا بفتخر بولادي، أنا بفتخر بعلمي، أنا بفتخر بشركتي، أنا بفتخر بمصرياتي، أنا بفتخر بجمالي. بس بولس الرسول عم بيعلمنا اليوم كيف نحنا نغير، نغير طريقة تفكيرنا. لأنه لما واحد بدو يفتخر، بيفتخر بشي هو عمله، هيدا منطق البشر. إنتي بشو بتشوفي حالك؟ بشو بتفتخري؟ بتحكي عن إنجاز إنتي عملتيه.
بس مش هيك فكر الكنيسة. بولس الرسول رائع جداً، بولس بيقولك أنا بفتخر مش بشي أنا عملته، بفتخر بشي المسيح عمله كرمالي! وهيدا منه صاير بتاريخ البشرية. منه صاير إنه واحد يفتخر بشي الآخر عمله كرماله. مش بس كرمال بولس، كرمال كل واحد منا. مشان هيك قال: "حاشا لي أن أفتخر إلا بصليب ربنا يسوع المسيح". بولس بيغير منطق العالم.
بس ليش عم بيقول بولس هذا الكلام؟ ليش عم بيقول "حاشا لي أن أفتخر"؟ وللتوضيح، كلمة "حاشا" باللغة اليونانية يعني ولا ممكن، نذر على الإطلاق، ما في شي تاني! يعني معنى هذه الكلمة هو موقف حياة، قرار بالحياة، إنه أنا ما عندي شي شوف حالي فيه إلا يلي عامله ربنا من أجلي، إلا صليب ربنا يسوع المسيح. ليش؟ لأنه فهم إنه كل شي الإنسان بيعمله وبيفتخر فيه بس بيروح ويفنى، هيدا بلا طعمة. بلا طعمة! مشان هيك بولس الرسول أيضاً بمكان آخر بيقول: "حسبت كل شيء نفاية"، زبالة! زبالة قدام المسيح. كل شي، كل شي كل شي ولا شي، ما في شي إله معنى قدام يسوع المسيح، قدام صليب يسوع المسيح.
الصليب إذن يا أحبة، متل ما عم بيعلمنا هون بولس الرسول، هو خلاصنا، لأنه هو يلي فتح الباب بينا وبين السما. هو المركبة، هو هيدا الصاروخ يلي طلعنا على الملكوت، ما في غيره. مشان هيك نحنا منفتخر بما فعله الرب على الصليب. أظهر لنا أن الحب هو الطريق وما في طريق آخر، وأظهر لنا أن الافتخار هو التواضع أمام هذا الطريق، أمام هذا الصليب. ما في عنا شي آخر يا أحبة نحنا نشوف حالنا فيه، هو طريقنا لله. لأنه المسيح قالنا: "تعوا لإلكم، أنا رح موت عنكم، رح موت كرمالكم، وانتوا رح بتصيروا اخواتي". اخواتي، وهيدا باب الملكوت، ما إلكن إلا بس تمسكوا هالمفتاح وتفتحوا الباب، ما في أكتر من هيك. وهيدا المفتاح هو الصليب.
مشان هيك إذا إنتوا منتبهين، إذا إنتوا منتبهين شي مرة، وليلي بيعرف مفتاح كنيسة مرعشيا الأثرية، شي مرة منتبهين إنه المفاتيح القديمة هي بشكل صليب؟ شي مرة منتبهين؟ نفس الشيء، مفتاح الملكوت هو صليب يا أحبة، وهيدا الصليب خبرنا عنه بولس الرسول كيف يجب أن نفتخر به وبه فقط.
لذا يا أحبة، لما نحنا منوقف قدام الله ما رح يكون عنا شي أعظم نقوله غير إنه: "يا رب، أنا هنا بسبب صليب ابنك". فليكن يا أحبة، فليكن هذا الصليب افتخارنا، ولنقل مع بولس من أعماق القلب: "حاشا لي أن أفتخر إلا بصليب ربنا يسوع المسيح". آمين.
يلي ملتزم بصلوات وخدم الكنيسة بينتبه إنه نحنا لما بيصير في عنا عيد معين، عيد مهم للمسيح، بيكون في عنا الأحد يلي قبل هيدا العيد، وفي عنا العيد، وفي عنا الأحد يلي بعد العيد. يعني متل أحد قبل الميلاد، الميلاد، الأحد بعد الميلاد. الأحد يلي قبل التجلي، عيد التجلي، الأحد يلي بعد التجلي. نفس الشيء فيما يختص بالظهور الإلهي أو الغطاس.
ولكن المفارقة إنه إذا واحد هيك بيركز شوي، بينتبه إنه نفس الشيء بيتم فيما يختص بالصليب. نحنا في عنا اليوم الأحد الذي قبل عيد رفع الصليب، في عنا العيد، والأحد الجاي هو الأحد الذي بعد رفع الصليب. هيدا الشيء بيأكد يا أحبة قديش ارتباط الصليب بالمصلوب، ما فينا نحنا نفصل على الإطلاق الصليب عن المصلوب. وكأنه الكنيسة اليوم عم بتقولنا إنه هيدا العيد هو من ثلاثة أجزاء. أو للي بيحب القراية، متل أنت عندك مجموعة من تلت كتب؛ بأول جزء بيحكيك شي، بتاني جزء بيحكيك شي، بتالت جزء بيختم القصة. فشو يلي بدها تخبرنا ياه الكنيسة نحنا اليوم بالأحد الذي قبل رفع الصليب، وشو المسج يلي بدها توصلها من هالتلت محطات يلي وضعتهم الكنيسة اليوم؟
اليوم إذا نحنا انتبهنا عم بتخبرنا إنه كما رفع موسى الحية في البرية هكذا ينبغي أن يرفع ابن البشر، يعني عم بتخبرنا إنه المسيح شو بدو يصير فيه؟ سيصلب، سيرفع. بكرا بالعيد منقرا عن حادثة الصلب. الأحد الجاي رح منقرا من أراد أن يتبعني فليكفر بنفسه ويحمل صليبه ويتبعني. يعني الكنيسة خبرتك، أنت شفت، أنت بعدين بدك تقرر. هيدا هو الخط العام يلي موجود بهالتلت محطات يلي وضعتهم الكنيسة اليوم.
والصليب بالنسبة لنا، متل ما ذكرت، هو ملتصق التصاقاً وثيقاً بالمصلوب. لهيك نحنا على طول بخاتمة كل صلاة نذكر "وبقدرة الصليب الكريم المحيي". بختم كل صلاة، انتبهولها اليوم بختمة القداس إذا حدا بعد مش منتبه.
وإذا بدنا نحكي شوي فن كنسي مرتبط باللاهوت، لأنه الفن الكنسي هو أصلاً تعبير عن اللاهوت. بالواقع، كل كنيسة هندسياً، كل كنيسة لما بتحط الصليب، يجب أن يكون هذا الصليب (يلي هلق فوقنا هون) هو متل الشجرة يلي الشخص بيستظل تحتها لحتى شو يحس؟ إذا كان في شوب وواحد قعد تحت شجرة، شو بحس؟ ببرود، بيبرد قلبه، بيرتاح. بالفن الكنسي، هذه الشجرة (مشان هيك منسميها أيضاً شجرة الصليب) هي التي تظلل المائدة، يعني لما بتضرب الشمس بيجي الظل على المائدة، ومن المائدة نحنا شو منحث؟ بالراحة، بيبرد قلبنا. هيدا موجود بالعلم الكنسي بالفن الكنسي يا أحبة.
وهيدا الشيء مقصود لحتى تقلنا الكنيسة إنه نحن نفرح ونرتاح بالصليب. فإذن بطل الصليب، شوفوا كيف انقلب الصليب من أداة للقتل للإعدام إلى أداة للخلاص. بشجرة الصليب نستظل ونفرح نحن ونرتاح. تالياً نحن ننظر إلى الصليب ونعشق الصليب لأننا لا نفصله على الإطلاق عن المصلوب.
وإذا نحنا بدنا نتساعد شوي من قبل الكنيسة لحتى نعرف كيف بدنا نفكر، بيجينا بولس الرسول اليوم، بتقلك الكنيسة اسمع بولس الرسول شو بيقول اليوم. هلق إذا أنا بسأل حيا الله واحد منكن، أو يمكن إذا واحد منكن سألني، يمكن نجاوب كلياتنا جواب مشابه: أنت بشو بتفتخر؟ إنتي بشو بتفتخري؟ يمكن واحد يقول أنا بفتخر بولادي، أنا بفتخر بعلمي، أنا بفتخر بشركتي، أنا بفتخر بمصرياتي، أنا بفتخر بجمالي. بس بولس الرسول عم بيعلمنا اليوم كيف نحنا نغير، نغير طريقة تفكيرنا. لأنه لما واحد بدو يفتخر، بيفتخر بشي هو عمله، هيدا منطق البشر. إنتي بشو بتشوفي حالك؟ بشو بتفتخري؟ بتحكي عن إنجاز إنتي عملتيه.
بس مش هيك فكر الكنيسة. بولس الرسول رائع جداً، بولس بيقولك أنا بفتخر مش بشي أنا عملته، بفتخر بشي المسيح عمله كرمالي! وهيدا منه صاير بتاريخ البشرية. منه صاير إنه واحد يفتخر بشي الآخر عمله كرماله. مش بس كرمال بولس، كرمال كل واحد منا. مشان هيك قال: "حاشا لي أن أفتخر إلا بصليب ربنا يسوع المسيح". بولس بيغير منطق العالم.
بس ليش عم بيقول بولس هذا الكلام؟ ليش عم بيقول "حاشا لي أن أفتخر"؟ وللتوضيح، كلمة "حاشا" باللغة اليونانية يعني ولا ممكن، نذر على الإطلاق، ما في شي تاني! يعني معنى هذه الكلمة هو موقف حياة، قرار بالحياة، إنه أنا ما عندي شي شوف حالي فيه إلا يلي عامله ربنا من أجلي، إلا صليب ربنا يسوع المسيح. ليش؟ لأنه فهم إنه كل شي الإنسان بيعمله وبيفتخر فيه بس بيروح ويفنى، هيدا بلا طعمة. بلا طعمة! مشان هيك بولس الرسول أيضاً بمكان آخر بيقول: "حسبت كل شيء نفاية"، زبالة! زبالة قدام المسيح. كل شي، كل شي كل شي ولا شي، ما في شي إله معنى قدام يسوع المسيح، قدام صليب يسوع المسيح.
الصليب إذن يا أحبة، متل ما عم بيعلمنا هون بولس الرسول، هو خلاصنا، لأنه هو يلي فتح الباب بينا وبين السما. هو المركبة، هو هيدا الصاروخ يلي طلعنا على الملكوت، ما في غيره. مشان هيك نحنا منفتخر بما فعله الرب على الصليب. أظهر لنا أن الحب هو الطريق وما في طريق آخر، وأظهر لنا أن الافتخار هو التواضع أمام هذا الطريق، أمام هذا الصليب. ما في عنا شي آخر يا أحبة نحنا نشوف حالنا فيه، هو طريقنا لله. لأنه المسيح قالنا: "تعوا لإلكم، أنا رح موت عنكم، رح موت كرمالكم، وانتوا رح بتصيروا اخواتي". اخواتي، وهيدا باب الملكوت، ما إلكن إلا بس تمسكوا هالمفتاح وتفتحوا الباب، ما في أكتر من هيك. وهيدا المفتاح هو الصليب.
مشان هيك إذا إنتوا منتبهين، إذا إنتوا منتبهين شي مرة، وليلي بيعرف مفتاح كنيسة مرعشيا الأثرية، شي مرة منتبهين إنه المفاتيح القديمة هي بشكل صليب؟ شي مرة منتبهين؟ نفس الشيء، مفتاح الملكوت هو صليب يا أحبة، وهيدا الصليب خبرنا عنه بولس الرسول كيف يجب أن نفتخر به وبه فقط.
لذا يا أحبة، لما نحنا منوقف قدام الله ما رح يكون عنا شي أعظم نقوله غير إنه: "يا رب، أنا هنا بسبب صليب ابنك". فليكن يا أحبة، فليكن هذا الصليب افتخارنا، ولنقل مع بولس من أعماق القلب: "حاشا لي أن أفتخر إلا بصليب ربنا يسوع المسيح". آمين.